Sa jetojnë zviceranët dhe cilat janë shkaqet më të shpeshta të vdekjes

Pothuajse një e treta (31%) e rasteve të vdekjeve kanë ardhur si pasojë e sëmundjeve kardiovaskulare

Në vitin 2017, të cilit i referohet statistika e publikuar sot nga Zyra Federale për Statistikë, në Zvicër kanë vdekur 66.971 njerëz.

Pothuajse një e treta (31%) e rasteve të vdekjeve kanë ardhur si pasojë e sëmundjeve kardiovaskulare. Me këtë përqindje, sëmundjet në fjalë janë shkaktaret më të shpeshta të vdekjeve në këtë vend, njofton Zyra në fjalë.

Më tutje, sëmundja e kancerit, në të gjitha format, shkakton një të katërtën (25.8%) e vdekjeve në Zvicër, shkruan albinfo.ch. Ndërsa, për kategoritë deri në moshën 40-vjeçare, shkaqet më të shpeshta të vdekjeve janë aksidentet dhe vetëvrasjet.

Njerëzit në Zvicër, siç dihet, jetojnë gjithnjë më gjatë. Mosha mesatare e burrave është 81-vjeçare ndërsa e grave, 85. Bëhet fjalë për rritje prej dy vjet te burrat dhe një viti te gratë.

61% të personave që kanë vdekur në vitin 2017 kishin arritur moshën mbi 80-vjeçare, përcjell albinfo.ch. 26% kishin vdekur në mes të moshës 65 dhe 79-vjeçare.

773 meshkuj dhe 270 femra gajtë vitit 2017 i kanë marrë vetes jetën. Ky numër është për 26 më i madh se ai i një viti më parë. Ndërsa numri i “vdekjeve të asisistuara” (rastet e eutanazisë) , në vitin 2017 është ngritur për 81 raste në krahasim me atë të vitit 2016. Konkretisht, këtë mënyrë për t`i dhënë fund jetës e kanë zgjedhur 596 gra dhe 413 burra.

 

---