Sabrina Leka, instruktore e jogës në SHBA

Sabrina Leka është gazetarja shqiptare që la fushën e medias për t’u bërë instruktore e jogës.

Në një lidhje me Skype për “ABC e Mëngjesit” nga SHBA, ajo ka treguar se gjithçka nisi me vdekjen e motrës së saj në moshë të re dhe lehtësimin e dhimbjeve të jetës.

Leka ka zbuluar  tashmë  se ka edhe një studio të saj në Neë York, ku ushtron jogën, e cila i është kthyer tashmë në profesion.

“Motra ka vdekur në 2015 dhe ka qene 35 vjeç. Ajo ka lënë dy fëmijë dhe ka ndërruar jetë në mënyrë të paparashikueshme. Joga ka qënë e vetmja mënyrë se si unë kam gjetur qetësi. Ai moment më ka ndryshuar gjithçka në jetë. Hana ka pasur probleme me zemrën dhe pësoi arrest kardiak.

Nëse përkthejmë në shqip fjalën ‘joga’ do të thotë unifikim  i trupit, shpirtit dhe mendjes. Më duhej diçka që mund të ulesha dhe gjeja qetësi.

Janë katër rrugë që mundesh me mbërri te rruga e jogës. Unë kam zgjedhur rrugën e fizikut dhe frymëmarrjes”, u shpreh ajo.