Salt rrit sërish çmimet e abonimeve nga 1 qershori

@unsplash

Operatori telefonik zviceran Salt ka njoftuar rritje të çmimeve për disa abonime duke filluar nga 1 qershori 2026. Sipas kompanisë, tarifat do të rriten nga 1 deri në 2 franga zvicerane, për shkak të investimeve në rrjet dhe përmirësimit të shërbimeve.

Klientët kanë të drejtë ta kundërshtojnë këtë ndryshim ose të ndërpresin kontratën, por vetëm brenda 30 ditëve nga njoftimi për rritjen e çmimeve. Afati i fundit për reagim është 1 qershori.

Disa abonentë kanë raportuar se, pas kontaktit me shërbimin ndaj klientit, kanë arritur të shmangin rritjen ose të përfitojnë oferta më të favorshme.

Salt nuk është operatori i vetëm që po rrit tarifat. Edhe Sunrise dhe Swisscom kanë paralajmëruar ose kanë aplikuar rritje çmimesh gjatë këtij viti.