Serbët në Zveçan shpalosin një flamur 250 metra të gjatë

Numër i madh i qytetarëve serbë janë mbledhur sot para objektit të Komunës në Zveçan, dhe përballë forcave të KFOR-it, të cilët po kujdesen për sigurinë.

Provokimi i radhës nga serbët ishte shpalosja e një flamuri të Serbisë 250 metra në turmën e protestuesve.

Në anën tjetër, KFOR-i ka krijuar një mbrojtëse me tela me gjemba.

Gjatë ditës së djeshme në tri komunat veriore të Kosovës, Zveçan, Leposaviq e Zubin Potok janë mbajtur protesta kryesisht të qeta.

Serbët kanë deklaruar se do të vazhdojnë protestat deri në përmbushjen e kushteve të tyre.

Grumbullim të qytetarëve ka edhe në afërsi të ndërtesës së Komunës së Zubin-Potokut.

Pranë objektit komunal është e vendosur Policia e Kosovës, ndërsa në distancë më të gjerë pjesëtarët e KFOR-it.