Serbia duhet ta pranojë Kosovën, thotë Drashkoviq

"Me këtë Kosovë duhet të zhvillojmë marrëdhënie ekonomike sikurse ato të dy Gjermanive apo Kinës e Tajvanit"

Kryetari i Partisë Serbe të Ripërtëritjes, Vuk Drashkoviq, ka thënë se Serbia duhet ta pranojë Kosovën si fqinjin më të afërt dhe më të veçantë. “Me këtë Kosovë duhet të zhvillojmë marrëdhënie ekonomike sikurse ato të dy Gjermanive apo Kinës e Tajvanit”, ka deklaruar Drashkoviq.

Ai ka vlerësuar se Serbia menjëherë mund të pranojë pjesën e Planit të Ahtisaarit që nuk ka të bëjë me statusin e Kosovës, raportojnë mediat serbe.　

Kurse Çedomir Jovanoviq, kryetar i Partisë Liberaldemokratike, ka thënë se Angela Merkel kur ka qenë në Beograd, ka folur për një qëndrim të ri të Perëndimit ndaj Serbisë.

Sipas tij, kjo ka të bëjë me paaftësinë e Serbisë për të zgjidhur problemet e veta dhe ky problem do të zgjidhet duke anashkaluar serbët.