Serbia kërkon vazhdimin e dialogut

Kuvendi i Serbisë ka miratuar një deklaratë për Kosovën, e cila dënon të gjitha llojet e dhunës në Kosovë, dhe ka bërë thirrje për një zgjidhje paqësore të krizës të shkaktuar siç thuhet nga akti i njëanshëm i Prishtinës për ndërhyrje në veri si dhe kërkon vazhdimin e dialogut.

Po ashtu deklarata i bën thirrje bashkësisë ndërkombëtarë që të gjykojë çdo veprim të njëanshëm që rrezikon dialogun.

Nga 207 deputetët, 181 votuan pro deklaratës, ndërsa në mesin e atyre që votuan kundër, ishin edhe deputeti i vetëm shqiptar, Riza Halimi.

Deputetëve iu është drejtuar edhe presidenti serb, Boris Tadiq, i cili ka thënë se detyrë e Serbisë është që të sigurojë paqen.

Kuvendi i Serbisë kërkon që autoritetet shtetërore të mbrojnë sovranitetin, integritetin territorial dhe rendin në Serbi dhe të mbrohen interesat e serbëve në Kosovë.