Serbia, për anëtarësimin e Kosovës në OSBE?

Anëtarësimi i Kosovës në organizata rajonale dhe ndërkombëtare do të mund të kontribuonte në dialogun Prishtinë-Beograd

Përfaqësuesja e përhershme e Serbisë në OSBE, Miroslava Beham, ka deklaruar se “Serbia beson që është mirë nëse Kosova do të anëtarësohej në organizata rajonale dhe ndërkombëtare”.

Sipas të së përditshmes serbe “Pravda”, kundërshtare e fuqishme e pavarësisë së Kosovës, e cila ka zbuluar fjalimin e ministres në një seancë të mbajtur ditë më parë të këtij organi (OSBE), Beham ka thënë se anëtarësimi i Kosovës në organizata rajonale dhe ndërkombëtare do të mund të kontribuonte në dialogun që po zhvillohet në mes të Serbisë dhe Kosovës në Bruksel. Fjalimi i saj i parapriu fjalimit të përfaqësuesit të SHBA-ve në OSBE, i cili insistoi që Kosova të anëtarësohet në këtë organizatë, transmeton “Zëri” shkrimin e kësaj gazete.

Ndërkaq, analisti politik, Dejan Vuk Stankoviq, ka thënë se qëndrimi i saj rreth Kosovës, nuk përkon me atë të qeverisë së vendit.

Analisti tjetër serb, Branko Radun, ka theksuar se fjalët e ambasadores janë skandaloze dhe se kjo mund të nënkuptojë se Beogradi në të ardhmen mund ta merr parasysh njohjen e Kosovës.

Mirëpo, ish-ambasadori serb në Paris, Predrag Simiq, ka thënë se nëse kjo deklaratë është interpretuar saktë, atëherë kjo nënkupton një moment të ri të Beogradit në arenën ndërkombëtare