Serbia stimulon diasporën e saj për investime

Ministri serb i Religjioneve dhe i Diasporës, Srxhan Sreçkoviq, është takuar me afaristë të diasporës serbe në SHBA

Ministri serb iu ka prezantuar dje afaristëve serbë në Çikago katalogjet e investimeve në Serbi, njoftojnë burimet zyrtare qeveritare serbe.

Ai i ftoi ata që të investojnë në Serbi dhe të realizojnë fitime atje, sepse, sipas tij, «Serbia është një shtet modern, në hap me trendet investuese moderne dhe aspiron të sigurojë kushte stimuluese për investitorët e huaj ».

Sreçkoviq ka nënvizuar rolin që mund ta luajë diaspora në rilansimin e ekonomisë së saj, si dhe në ciklin e ri të investimeve.

Ai ftoi po ashtu afaristët serbë në Çikago që t’iu ofrojnë partnerëve të tyre të jashtëm katalogjet e investimeve në Serbi.

Ministri e ka lavdëruar qeverinë e tij, duke thënë se kjo është hera e parë që një qeveri të sjellë aq shumë projekte konkrete të investimeve.