Shaip Kamberi fiton numrin e votave për deputet në Kuvendin e Serbisë

Kamberi ka thënë për portalin serb Danas se, nga 705 votues sa kanë dalë në zgjedhjet e sotme, lista që udhëhiqet nga ai kanë votuar 698 persona

Kandidati i Koalicionit të Shqiptarëve – Lugina e Bashkuar, Shaip Kamberi i ka siguruar votat e mjaftueshme për t’u bërë deputet në Parlamentin e Serbisë, pasi sot në Tërnoc të Bujanocit janë mbajtur për herë të pestë zgjedhjet parlamentare.

Kamberi ka thënë për portalin serb Danas se, nga 705 votues sa kanë dalë në zgjedhjet e sotme, lista që udhëhiqet nga ai kanë votuar 698 persona, shkruan telegraf.com.

Kamberit iu nevojitën vetëm 610 vota për ta marrë edhe një mandat të deputetit.

Nga sonte po vazhdon afati për kundërshtime dhe ankesa në procedurën e votimit në vendvotimin numër 6, për shkak të së cilës po vonohet edhe konstituimi i përbërjes së re të Kuvendit të Serbisë.

---