Shaqiri ka disa fjalë për duelin ndaj Brazilit

Keystone EPA/JEON HEON-KYUN EDITORIAL USE ONLY

Me fillim nga ora 17:00, nesër Zvicra do të përballet me Brazilin në Kampionatin Botëror.

Për përballjen ndaj Brazilit, ka folur ylli i helvetikëve, Xherdan Shaqiri.

“Në vitin 2018 ishte një lojë e vështirë dhe morëm një rezultat të mirë. Ne jemi të vetëdijshëm për atë që jemi në gjendje të bëjmë. Mendoj se kemi përparuar, kemi fituar përvojë, kemi luajtur kundër skuadrave të mëdha dhe kemi besim se do të përballemi me një kundërshtar të madh. Ne duhet të përpiqemi të mposhtim skuadra si Brazili dhe tashmë kemi treguar se jemi të aftë”, theksoi Shaqiri.

Ai tha se Zvicra di të përballet me ekipe të mëdha dhe do të përpiqen ta mposhtin Brazilin.

“Të gjithë lojtarët kanë pika të forta dhe të dobëta. Është e vështirë të zgjedhësh një lojtar (nga Brazili). Ata janë shumë të shpejtë, kanë një lojë shumë tërheqëse, por kanë edhe dobësi dhe ne do të përpiqemi t’i shfrytëzojmë. Ata luajtën mirë në debutimin e tyre, por ne dimë si të sillemi ndaj skuadrave të mëdha”, vazhdoi ai.