Shaqiri vendimtar në fitoren e Baselit

Shaqiri shkëlqen në fillim të vitit 2026, Baseli fiton ndaj Slavia Pragës

Xherdan Shaqiri e ka nisur në mënyrë të shkëlqyer vitin 2026. Ylli i Baselit kontribuoi me një gol, një asist dhe fitoi një penallti në fitoren dramatike 4:3 ndaj Slavia Pragës, transmeton albinfo.ch.

Ndeshja miqësore mes dy skuadrave u zhvillua të martën pasdite në Marbella të Spanjës. Shaqiri u inkuadrua në lojë në pjesën e dytë dhe la menjëherë gjurmë, duke realizuar golin e barazimit 2:2 në minutën e 65-të me një supergoditje.

Më pas, reprezentuesi zviceran asistoi për golin e tretë të Baselit, të cilin e shënoi Kaio Eduardo në minutën e 82-të. Pesë minuta më vonë, Shaqiri fitoi një penallti, që u shndërrua në gol nga Ibrahim Salah.

Golin e parë për skuadrën zvicerane e realizoi sulmuesi kosovar Albian Ajeti. Kjo ishte ndeshja e parë e Baselit në vitin 2026.

---