SHBA do të pranojë deri në 100,000 ukrainas që ikin nga lufta

(KEYSTONE/EPA/ROMAN PILIPEY)

Shtetet e Bashkuara planifikojnë të pranojnë deri në 100,000 ukrainas që ikin nga pushtimi rus, sipas Reuters, përcjell albinfo.ch.

Njoftimi i pritshëm vjen pasi presidenti i SHBA-së, Joe Biden, takohet me liderët evropianë të enjten për të koordinuar përgjigjen e vendeve perëndimore ndaj sulmit të Moskës ndaj vendit të saj fqinj.

Nuk ishte menjëherë e qartë se si do të funksiononte përpjekja, përfshirë udhëtimin dhe logjistikën e imigracionit. Jo të gjithë ukrainasit e pranuar do të vijnë përmes programit të refugjatëve të SHBA-së, tha një zyrtar i administratës së Bidenit, ndërsa të tjerët do të vijnë me viza familjare ose një proces tjetër të njohur si lirimi me kusht humanitar.

Më shumë se 3.5 milionë njerëz janë larguar nga Ukraina që kur Rusia pushtoi vendin më 24 shkurt, sipas agjencisë së refugjatëve të Kombeve të Bashkuara, përcjell tutje albinfo.ch.