SHBA-ja ia dhuron 55 automjete ushtarake FSK-së

Sot në kazermën e FSK-së “Adem Jashari” është bërë pranim-dorëzimi i 55 automjeteve ushtarake që SHBA-ja ia ka dhuruar Kosovës.

Presidentja e Kosovës, e cila është edhe komandante supreme e FSK-së, ka thënë se kjo është ditë e veçantë për Kosovën, pasi po forcohen kapacitetet e ushtrisë sonë.

“Sot është ditë e veçantë për popullin e Kosovës, ngase partneri ynë strategjik, SHBA-ja, po ua dhuron forcave tona të armatosura 55 automjete ushtarake në vlerë të madhe, të cilat do t’i ndihmojnë forcat tona që të forcojnë më tej kapacitetet e veta”, ka thënë ajo.