SHBA paralajmëron shqiptarët për martesat e rreme, paralajmërohen dënime serioze

@unsplash

Ambasada e Shteteve të Bashkuara të Amerikës në Tiranë ka publikuar një njoftim për qytetarët shqiptarë, duke thënë se mashtrimi përmes martesës për qëllime emigrimi përbën krim federal në SHBA.

Në njoftim, ambasada u bën thirrje qytetarëve që të ndjekin vetëm rrugë të ligjshme për të hyrë dhe qëndruar në Shtetet e Bashkuara të Amerikës.

“Mashtrimi për martesë është një krim federal në Shtetet e Bashkuara dhe mund të çojë në dënime serioze. Gjithmonë zgjidhni një proces të ligjshëm emigracioni për të hyrë në vend dhe për të siguruar dokumentacionin e duhur”, thuhet në njoftim, transmeton albinfo.ch.

Tutje, është bashkëngjitur një fotografi me një mbishkrim, ku thuhet se martesat e rreme dënohen me 5 vjet burg dhe 250 mijë dollarë dënim.