Shefi i Armatës Zvicerane, vizitë Swisscoy-t në Kosovë

Në fokus të kësaj vizite në Kosovë është kremtja e Krishtlindjes së bashku me kontingjentin e 33-të të SWISSCOY-t në Prizren

Shefi i Armatës së Zvicrës Komandant Korpusi André Blattmann qëndron më 22 dhe 23 dhjetpr (sot dhe nesër) për vizitën tradicionale të fundvitit në Kosovë, për të vizituar trupat e SWISSCOY-t të stacionuara atje.
Siç bëhet e ditur në një komunikatë të lëshuar nga Deparamenti Zviceran i Mbrojtjes, Blattman gjatë kësaj vizite shoqërohet nga Beatrix Métraux, pjesëtare e Qeverisë së Kantonit të Vaudit dhe Oskar Freysinger, po ashtu pjesë e ekzekutivit të kantonit të Valisit.
Në fokus të kësaj vizite në Kosovë është kremtja e Krishtlindjes së bashku me kontingjentin e 33-të të SWISSCOY-t në Prizren. Veç kësaj, parashihet edhe një vizitë te komandanti i KFOR-it, gjeneralmajori Guglielmo Luigi Miglietta në Prishtinë si dhe vizita e njësitit të udhëhequr nga Zvicra, në Mitrovicë, të njohur si «Joint Regional Detachment Nord», përfundon komunikata.