Shefqet Krasniqi konfirmon pjesëmarrjen në konferencën e Bielit

Imami i Xhamisë së Madhe të Prishtinës, Shefqet Krasniqi, në një deklaratë të dhënë enkas për albinfo.ch ka konfirmuar ardhjen e tij në Zvicër, për të marrë pjesë në Konferencën Vjetore Islamike që mbahet nesër, më 19 shkurt në Biel-Bienne të kantonit të Bernës.

Ai njëkohësisht ka kundërshtuar zërat që janë bërë publikë në mediet zvicerane dhe shqiptare për, siç thotë ai gjoja ndalimin e hyrjes së tij në Zvicër.

Pra, imami Shefqet Krasniqi do të jetë nesër në Zvicër dhe do të marrë pjesë në konferencën e përmendur.