Shifër alarmante e personave që humbën jetën në Kosovë nga aksidentet e trafiku

2523 persona kanë humbur jetën që nga paslufta nga aksidentet në trafik dhe ky numër konsiderohet alarmant, ndërsa mesatarisht në vit numri i aksidenteve me fatalitet është 122.

Policia e Kosovës ka bërë të ditur këtë raport, në kuadër të shënimit të Ditës Botërore të Përkujtimit të Viktimave në Trafikun Rrugor, në bashkëpunim me Ministrinë e Infrastrukturës dhe Transportit, gjegjësisht Këshillin e Sigurisë në Trafikun Rrugor dhe me Shoqatën e Sigurimeve të Kosovës.

Nënkoloneli Jeton Rexhepi, drejtor i Divizionit të Komunikacionit nga Policia e Kosovës, theksoi se 2523 persona kanë vdekur që nga pas lufta në trafikun rrugor, ndërsa këtë vit është ul shkalla e vdekshmërisë krahaasur me vitin e kaluar.

Rexhepi theksoi se shkaktar të aksidenteve me fatalitet është mos përshtatja e shpejtësisë në rrugë.

Nga ana tjetër, kompanitë e sigurimeve kanë paguar 400 milionë euro dëmshpërblim që nga pas lufta, shkruan KP. Ndërsa, vetëm në këtë vit janë paguar mbi 22 milionë euro. Kurse, 40 milionë euro janë dëmet e këtyre kompanive nga veturat e paregjistruara. /Albinfo.ch