Shkencëtarët gjejnë kurën “çudibërëse”, dhëmbët rriten nga e para

Për pjesën më të madhe të njerëzve, vizita te dentisti është një bezdi e nevojshme, ndërkohë që në disa raste, shndërrohet në një makth të vërtetë, edhe ekonomik.

Por, në të ardhmen, problemet me dhëmbët mund të jenë shumë të thjeshtuara, falë një studimi revolucionar japonez, raporton CNN, përcjell Albinfo.ch.

Një ekip shkencor i universitetit të Kyotos dhe Fukuit, përmes një trajtimi gjenetik, ka zbuluar se bllokimi i gjenit USAG-1 përmes përdorimit të disa antibiotikëve që veprojnë specifikisht ndaj tij, lejon rritjen natyrale të dhëmbëve, edhe kur ata kanë rënë.

“E dinim që bllokimi i USAG-1 ndihmon në rritjen e dhëmbëve, por nuk dinim ende sa e plotë ishte ajo”, deklaroi përgjegjësi i studimit, Katsu Takahashi.

Studimet kanë dhënë rezultate të papritura dhe të shkëlqyera te minjtë, dhe në një fazë të dytë edhe tek familja e mustelidëve, si qelbësit dhe furot, me dhëmbë më të ngjashëm me njeriun. Në të dy rastet, dhëmbët e rëna u rritën deri në formën origjinale.

Plani i ardhshëm është eksperimentimi te gjitarë më kompleks, si derrat dhe qentë, që do të ishte paradhoma për testimin te njerëzit.