Shkodër: Përmbyset varka, vdesin katër persona

Foto: CNN

Një ngjarje mjaft e rëndë ka ndodhur ditën e sotme në Shkodër, ku për shkak të erës së fortë është përmbysur një varkë në liqen.

Si pasojë e përmbysjes së varkës, kanë humbur jetën 4 persona. 3 prej personave që kanë humbur jetën janë anëtarë të familjes Zeta nga Mali i Zi dhe një tjetër nga Podgorica.

Lajmi është bërë i ditur nga, Radojica Rašovi, një tjetër person, i cili ishte në të njëjtën varkë me viktimat. Sipas dëshmitarit janë mbytur burrë e grua dhe vajza e tyre, dhe një djalë, i cili u përpoq t’i shpëtonte ata.

Varka kishte rreth 9 persona, të cilët kishin shkuar në Manastirin Vranjina, por të tjerët arritën që të dalin në breg, duke shpëtuar, shkruan syri.net, përcjell albinfo.ch.