Shkon në 86 numri i viktimave të terrorit në Ankara

Keystone

Është ngritur në 86 numri i viktimave të dy shpërthimeve të fuqishme që ndodhën sot në Ankara. Këtë e kanë konfirmuar tashmë edhe burimet qeveritare, njoftojnë mediet ndërkombëtare. 186 është ndërkaq numri i të plagosurve nga këto shpërthime që kanë ndodhur në afërsi të Stacionit Hekurudhor pak para fillimit të marshit protestues paqësor kundër dhunës ndaj kurdëve.

Presidenti i vendit Recep Rayyip Erdogan ashtu si dhe kryeministri Ahmet Davutoglu e kanë dënuar ashpër sulmin duke e quajtur krim të rëndë dhe të shëmtuar. Bëhet fjalë për sulmin më të rëndë terrorist që ka ndodhur ndonjëherë në kryeqytetin turk, Ankara, transmeton albinfo.ch. Ai ka tronditur vendin që ndodhet në atmosferën e zgjedhjeve të parakohshme të cilat mbahen pas tri javësh.

Qeveria ka shpallur tri ditë zie zyrtare në Turqi.