Shkrimtarja në gjyq: Donald Trump më përdhunoi

Keystone (AP Photo/Paul Sancya)

Shkrimtarja amerikane Elizabeth Karol ka dëshmuar në gjyqin kundër ish-presidentit amerikan Donald Trump, ku ngriti akuzat për përdhunim, përcjell albinfo.ch.

Në deklaratën e saj në gjykatë ajo tha se fillimisht ka menduar se po ta ndihmonte Donald Trump-in për të blerë veshje të brendshme grash në një dyqan luksoz, do të ishte thjesht “diçka argëtuese në Nju-Jork”.

Ajo tha se Trump i kërkoi këshilla për të përzgjedhur një dhuratë për një grua, dhe se ajo ndihmoi me kënaqësi.

Por shumë shpejt “e gjithë arsyeja që isha gjallë në atë moment ishte për t’u larguar nga ajo dhomë”, dëshmoi Carroll në gjyqin për padinë e saj për përdhunim.

“Jam këtu pasi Donald Trump-i më përdhunoi, dhe kur shkruajta për këtë, ai tha se nuk ka ndodhur. Ai gënjeu dhe dëmtoi reputacionin tim dhe unë jam këtu që të përpiqem të rifitoj jetën time”, u tha Carroll anëtarëve të jurisë gjyqësore.

Ndërsa ajo u ul në bankinën e dëshmiatres, ku shpesh u përlot, në një reagim në rrjetet sociale Trump përsëriti këmbënguljen e tij se pretendimi i zonjës Carroll për një përdhunim në vitin 1996 është krejtësisht sajesë. Ai e quajti çështjen “një mashtrim i sajuar”.

Ish-Presidenti Trump nuk ka marrë pjesë deri më tani gjatë procesit gjyqësor, por avokatët e tij thanë se ai ndoshta mund të vendosë të dëshmojë.

79-vjeçarja pritet ta vazhdojë dëshminë, kur avokatët e zotit Trump do të kenë ndoshta mundësinë për t’i drejtuar asaj pyetje./VOA