Shoferët gjermanë duhet të kenë dy maska ​​me vete edhe pas pandemisë

Maskat duhet të shtohen në përmbajtjen e përshkruar të çantës së ndihmës së parë në makina, kamionë dhe autobusë

Në Gjermani, në të ardhmen mbajtja e maskave me vete në vetura do të bëhet e detyrueshme, pavarësisht nga pandemia.

Siç raporton gazeta e Düsseldorfit, “Rheinische Post”, shoferët duhet të vazhdojnë ta bëjnë këtë edhe pas kalimit të pandemisë së koronës.

Pra, ata duhet të kenë me vete nga dy maska ​, transmeton albinfo.ch.

Ky njoftim është konfirmuar për gazetën nga një zëdhënëse e Ministrisë Federale të Transportit.

Prandaj, maskat duhet të shtohen në përmbajtjen e përshkruar të çantës së ndihmës së parë në makina, kamionë dhe autobusë.

Qëllimi me këtë rast është që ky kriter të përshtatet me ndryshimin tjetër, të planifikuar të rregullores së licencimit të trafikut rrugor, ka thënë më tutje zëdhënësja. Rregullorja pritet të hyjë në fuqi vitin e ardhshëm.

---