Shpërthim në Ferronikel

Një shpërthim i fuqishëm është dëgjuar në orët e mbrëmjes në objektin e  gjigantit Ferronikel. Nuk raportohet për persona të lënduar,  por menjëherë pas shpërthimit, qindra banorë të kësaj komune ishin mbledhur pranë ndërtesës duke kërkuar nga menaxhmenti që të ndërpriten punimet. 

Madje ata një kohë kanë bllokuar edhe hyrjet  e ndërtesës duke mos lejuar punëtorët të hyjnë në vendet e tyre të punës.  Kryetari i Drenasit, Nexhat Demaku pas takimit që ka pasur me menaxhmentin ka kërkuar nga banorët të largohen e më pastaj do të merren me këtë gjë.

Por ata nuk kanë pranuar duke qëndruar tek hyrje-daljet e Fabrikës. Ata janë të shqetësuar për jetën e punëtorëve dhe të familjeve që jetojnë përreth Ferronikelit. Shpërthimi i mbrëmshëm është i dytë në Ferronikel brenda një kohe të shkurtër.