Shpëtohet gruaja që ngeci në ashensor

Është shpëtuar një grua amerikane, e cila gjithë fundjavën e kaloi e bllokuar në ashensorin e punëdhënësit të saj miliarder.

Marites Fortaliza hyri në ashensorin në lagjen Manhattan, në pronësi të bankierit të investimeve Warren Stephens, të premten në mbrëmje. Zjarrfikësit iu përgjigjën thirrjes së urgjencës të hënën dhe hapën ashensorin me forcë. Fortaliza u dërgua në spital, përcjell albinfo.ch

Sipas një deklarate të familjes, 53-vjeçarja ishte e dehidratuar, por në gjendje të qëndrueshme. Autoritetet thanë se gruaja ishte bllokuar në mes të katit të dytë dhe të tretë të shtëpisë. Familja Stephens kishte ikur për fundjavë dhe askush tjetër nuk ishte në shtëpi, vetëm 53-vjeçarja që po punonte. Shkaku i incidentit po hetohet.