Shqipëri – Angli, formacionet e mundshme

FOTO: FSHF

Përzgjedhësi i Kombëtares së Shqipërisë, Sylvinho, pritet t’i bëjë disa ndryshime për ndeshjen e sotme (e premte) ndaj Anglisë, përcjell albinfo.ch.

Kombëtarja e Shqipërisë do të luajë sot, në udhëtim te Anglia, ndeshjen e parë kualifikuese për Kampionatin Botëror 2026.

Ky takim është paraparë të zhvillohet në stadiumin Wembley, me fillim nga ora 20:45, dhe djelmoshat kuqezi janë gati për këtë përballje.

Megjithatë, përzgjedhësi Sylvinho duket se do të bëjë disa zgjedhje të detyruara, për shkak të lëndimit të disa lojtarëve.

Telegrafi mëson se trajneri brazilian do t’i besojë skemës 4-3-3, ku në portë do të jetë Thomas Strakosha.

Në mbrojtje, Ivan Balliu është i sigurt në të djathtë dhe Berat Gjimshiti në qendër, ndërsa dy vendet tjera pritet të zihen nga Naser Aliji në të majtë dhe Arlind Ajeti, i cili do ta zëvendësojë Ardian Ismajlin, që nuk është 100 për qind i gatshëm.