Shqipëri: Gjykata ua refuzon çiftit të lesbikeve kërkesën për t’u regjistruar si nëna

Gjykata e Lartë ka refuzuar kërkesën e Alba Ahmetajt dhe Edlira Maras, dy grave që u kurorëzuan në tarracën e Bashkisë së Tiranës, për t’u regjistruar të dyja si nëna të vajzave binjake të njërës prej tyre.

Ahmetaj dhe Mara kishin paditur në gjykatë zyrën e Gjendjes Civile të njësisë administrative Nr. 2 në kryeqytet, duke kërkuar regjistrimin e dy binjakeve me të drejta mëmësie të barabarta, transmeton A2, përcjell albinfo.ch.

“Ndryshimin e aktit administrativ shkresë kthim përgjigje nr. 2627/1 prot, dt. 15.04.2021 dhe detyrimin e të paditurit për të regjistruar fëmijët H.M. dhe A.M., binjake të seksit femër, të lindura më 18.01.2021, në Tiranë dhe për t’u regjistruar si nëna paditëset Alba Ahmetaj dhe Edlira Mara me të drejta të barabarta amësie në të njëjtën përbërje. Lënien në fuqi të vendimit nr. 573, datë 02.12.2022 të Gjykatës Administrative të Apelit”.