Shqipëria arrin marrëveshje për pensione me Italinë, përfitojnë rreth 700 mijë mërgimtarë

Raporohet se është arritur një marrëveshje mes Shqipërisë dhe Italisë për njohjen e pensioneve, e cila i hap rrugën miratimit në qeveritë respektive dhe më pas në Kuvend, përcjell albinfo.ch.

Nëse do të ekzistojë vullenti politik në shtetin fqinj, gjasat janë që vitin e ardhshëm kjo marrëveshje të bëhet realitet.

Ministrja e Financave si dhe ambasadori italian në Tiranë e konsiderouan këtë marreveshje si një fitore, për gati gjysmë milioni shqiptarë që pritet të jenë përfituesit më të mëdhenj, por edhe shtetasit italinë që punojnë në vendin tonë.

DELINA IBRAHIMAJ

MINISTRE E FINANCAVE DHE EKONOMISE

Është marrëveshje e gjerë dhe plotë, nëpërmjet së cilës çdo shqiptar që ka punuar prej vitesh në shtetin fqinj, apo ka punuar një pjesë të viteve në Itali dhe një pjesë në Shqipëri, do ti njihen vitet e pensionit në momentin që ai person do të dalë në pension sipas ligjeve respektive të të dyja shteteve. Hartimi i kësaj marrëveshje është shprehje e qartë e vullnetit politik. Është një ditë fitorje pasi përmbushet e gjithë njohja e periudhës së tyre- deklaroi ministrja e Financave dhe Ekonomisë Delina Ibrahimaj.

FABRIZZIO BUCCI

AMBASADORI ITALIAN NË SHQIPËRI

“Është një marrëveshje e bazuar mbi reciprocitetin, edhe shtetasit italianë mund të përfitojnë nga kjo marrëveshje. Është një moment shumë i rëndësishëm pasi është një urë tjetër që ne po ndërtojmë, lidhje që janë integruar. Kemi një komunitet shumë të madh të integruar që punojnë në Itali, më shumë se 700 mijë, sipas të dhënave të kohëve të fundit. Gati 50 mijë ndërmarrje me Nipt italian janë me titullar shtetas shqiptarë. Është një numër shumë i madh kontributesh të dhëna nga shtetasit shqiptarë që jetojnë në Itali dhe falë kësaj marrëveshje do të plotësojnë këtë mangësi që ekziston në këtë boshllëk në vendin tonë”.

Që të përfitosh një pension duhet që minimalisht një shqiptar të ketë 15 vjet punë të siguruara.

Bashkimi i viteve të punës në Shqipëri dhe Itali është një nga lajmet e shumëpritura për mijëra shqiptarë që jetojnë prej vitesh në shtetin fqinj.