Shqipëria dhe Kosova mbështetin sulmet ajrore në Siri

Presidenti Meta: “Mbështesim ndërhyrjen ushtarake të SHBA, Francës e Britanisë ndaj arsenalit kimik të regjimit kriminal të Assadit"

Keystone

Edhe presidenti i Shqipërisë, Ilir Meta deklaron se Shqipëria është në krah të aleatëve dhe mbështet me vendosmërinë e Presidentin Trump. “Mbështesim ndërhyrjen ushtarake të SHBA, Francës e Britanisë ndaj arsenalit kimik të regjimit kriminal të Assadit. Jemi në krah të aleatëve tanë dhe mbështesim vendosmërinë e Presidentit Trump në mbrojtje të jetëve të njerëzve, të të drejtave të njeriut dhe të çdo veprimi i cili jo vetëm ndëshkon akte barbare por krijon më shumë siguri dhe stabilitet në mbarë botën”, shprehet Meta në mesazhin e tij.

Më parë edhe presidenti i Kosovës, Hashim Thaçi si dhe dy kryeministrat, Rama e Haradinaj kanë mbështetur sulmet e aleatëve ndaj regjimit të Asadit.