Shqipëria, pjesë e panairit “EXPO 2020″ në Dubai

Shqipëria do të marrë pjesë në panairin ndërkombëtar “EXPO 2020 DUBAI”. Këshilli i Ministrave miratoi vendimin për pjesëmarrjen e vendit në këtë panair ndërkombëtar, ku do të përfaqësohet nga Komisari i Përgjithshëm i Shqipërisë. 

Ai do të nënshkruajë kontratën e pjesëmarrjes në këtë panair, që për temë kryesore ka “Bashkojmë idetë, krijojmë të ardhmen”. Qëllimi i grupit të punës do të jetë: përcaktimi i tematikës së pavijonit të Shqipërisë; përzgjedhja e Ditës Kombëtare të Shqipërisë; përcaktimi i kalendarit të aktiviteteve sipas çdo institucioni; përcaktimi i listës së pjesëmarrësve sipas kalendarit të aktiviteteve; si dhe përllogaritja e kostove administrative për pjesëmarrjen e çdo institucioni në panair, përcjell albinfo.ch.

Qeveria autorizon Agjencinë Shqiptare të Zhvillimit të Investimeve  për menaxhimin dhe administrimin e pavijonit shqiptar në panairin ndërkombëtar “EXPO 2020 DUBAI”.