Shqipëria heq vizat për 3 shtete

Këshilli i Ministrave të Shqipërisë ka miratuar sot marrëveshjen me Nikaraguan, për përjashtimin e vizave për pasaportat e zakonshme, diplomatike dhe të shërbimit.

Në vendimin e qeverisë është miratuar edhe marrëveshja ndërmjet Këshillit të Ministrave të Republikës së Shqipërisë me Kirgizstanin, për përjashtimin e kërkesave për vizë për mbajtësit e pasaportave diplomatike dhe të shërbimit.

Po ashtu në mbledhjen e sotme të qeverisë është miratuar marrëveshja edhe me Uzbekistanin për përjashtimin e ndërsjellë të kërkesave për vizë për mbajtësit e pasaportave diplomatike dhe të shërbimit.

Qytetarët shqiptarë mund të udhëtojnë pa viza në 99 shtete, kjo falë bisedimeve të pandërprera dhe nënshkrimit të marrëveshjeve me disa shtete, së fundmi edhe me Tajlandën.