Shqipëria turistike prezantohet në Berlin

Shqipëria turistike përherë e më shumë po promovohet në panairet ndërkombëtare si një vend me potenciale turistike dhe kulturore. Së fundmi resurset turistike të Shqipërisë po prezantohen në Panairin Ndërkombëtar të Turizmit që  po mbahet në Berlin. 

Ministri i Turizmit dhe Mjedisit i Shqipërisë, Blendi Klosi, u shpreh se ky panair u jep mundësi të njohjes dhe kontaktimit të drejtpërdrejtë qindra operatorëve turistikë, sipërmarrësve në këtë fushë dhe mijëra vizitorëve nga mbi 160 vende, përcjell albinfo.ch.

“Stenda e Shqipërisë gjithmonë e më e vizituar dhe gjithmonë e më shumë nën interesin e lartë të Tour Operatorëve më të njohur ndërkombëtarë, duke konfirmuar edhe një herë rritjen e turizmit dhe potencialet e larta të vendit tonë për konsolidimin e Shqipërisë si destonacion turistik”, ka shkruar ministri  Klosi.