Shqiptari arrestohet nga policia italiane, u kap me narkotikë

Foto ilustrim

Një shqiptar është vënë në pranga nga policia italiane, pasi në makinën, të cilën drejtonte me shpejtësi të lartë, iu gjetën fillimisht 240 kilogram marihuanë.

I veshur me tuta mekaniku, shqiptari Luka. R., 25 vjeç, kur e ndaluan u tha policëve se po nxitonte për të shpërndarë në një servis pjesë këmbimi makinash.

Kjo deklaratë e të riut rriti dyshimet te policia, të cilët pas kontrollit që ushtruan në mjet, në pjesën e karrocerisë gjetën dhe sekuestruan 240 kilogram marihuanë të fshehura në 11 çanta të mëdha të zeza.

Pas kontrollit të një tjetër makine që i përkiste të riut, u sekuestrua një tjetër sasi lënde narkotike, duke e çuar në 453.3 numrin e kilogramëve të marihuanës, shkruan Ora, përcjell albinfo.ch.