Shtëpitë e mërgimtarëve sërish cak i hajdutëve

Tre shtetas të Shqipërisë janë arrestuar

Tre shtetas të Shqipërisë janë arrestuar, pasi kanë tentuar të vjedhin një shtëpi të mërgimtarëve në fshatin Lutogllavë të Komunës së Prizrenit.

Dëshmitari Alban Dakaj ka treguar se si ka ndodhur ngjarja. Ai u ballafaqua me vjedhësit të cilët e goditën dhe i morën portofolin me gjithë dokumente dhe një shumë parash, njofton Klan Kosova.

Dakaj tha se cak nuk ishte shtëpia e tij, por të fqinjëve mërgimtarë të kësaj zone, që sipas tij edhe disa herë tjera janë thyer, përcjell albinfo.ch.

Ai ka shtuar se kjo nuk është hera e parë që shtëpitë e mërgimtarëve janë cak i hajdutëve.

Për rastin menjëherë u njoftua policia rreth orës 23:00 që dolën në vendin e ngjarjes, e bashkë me banorët, edhe i kapën tre të dyshuarit, të cilët janë dërguar në mbajtje.

https://www.youtube.com/watch?time_continue=116&v=qAvfSSjrw6E