Shtetasi i Maqedonisë kapet me armën e tipit të përdorur në masakrën e Zelandës

Terroristi që vrau 50 veta në xhaminë e qytetit Christchurch të Zelandës së re më 19 mars ka përdorur pikërisht një armë të këtij tipi AR-15

Administrata Federale e Doganës së Zvicrës (EZW) ka kapur të premten, më 5 prill në Ditttingen BL një shtetas 66 vjeçar të Maqedonisë i cili në automobilin e tij kishte një pushkë automatike të tipit AR-15. Krahas kësaj arme që konsiderohet e sofistikuar, personi i kapur kishte edhe tre karikatorë si dhe 66 njësi municioni, thuhet në komunikatën e lëshuar të hënën, nga EZW, shkruan 20minuten.ch.

Më tutje në komunikatë thuhet se siç dihet, shtetasve të Maqedonisë – sikurse të atyre të të gjitha shteteve të Ballkanit dhe të disa shteteve tjera – me ligje të Zvicrës nuk i lejohet bartja deh as blerja e armëve, përcjell albinfo.ch

Zyrtarët doganorë në makinën e të përmendurit kanë gjetur edhe një lloj shkopi për mbajtjen e të cilit kërkohet leje nga shteti.

Pushka automatike AR-15 është bërë e njohur për faktin se përdoret zakonisht nga sulmuesit “amok”, që vrasin në masë. Terroristi që vrau 50 veta në xhaminë e qytetit Christchurch të Zelandës së re më 19 mars ka përdorur pikërisht një armë të këtij tipi. Po ashtu edhe personi që më 1  tetor 2017 ka vrarë 58 veta, ka qëlluar me disa armë AR-15 përnjëherësh.

Ndaj personit në fjalë është bërë kallëzimi penal.

Foto: EWZ, Basel

---