Shtetasit maqedonas me udhëzime interesante gjatë pushimeve në Greqi

Mysafirë të pushimores në vendin turistik Dionisios, në afërsi të Nea Modania në Greqi, marrin udhëzime më të gjera, për ate se si duhet të sillen përderisa qëndrojnë nëpër apartamente.

Në secilin nga apartamentet, ku pushojnë edhe shumë shtetas nga Maqedonia, janë të ngjitura pllakate me rreth 20 këshilla, për ate se si duhet të sillen mysafirët, shkruajnë mediat maqedonase, përcjell Albinfo.ch.

“Kyçeni bojlerin 15 minuta para se të laheni dhe mos harroni ta shkyçni, pasi korrenti është i shtrenjtë, “Mos tërhiqni mobilje apo karrige nëpër dysheme, pasi zhurma i irriton mysafirët e tjerë”, “Kur të gatuani, vendosni kapak mbi enë, pasi avulli i shkatërron elementet e kuzhinës, “Po që se fëmijët urinojnë përderisa flejnë, vendosni pelena apo najllonë të plastikës nën çarçafë”, “Peshqirët në kuzhinë janë për të fshirë pjatat, mos i hedhni poshtë që ta pastroni dyshemenë, “Në dollap vendosni vetëm gjera të lehta”, “Roletat lëshoni dhe tërhiqni me kujdes”, janë vetëm disa nga kërkesat që i kanë pronarët.

Lista me kërkesat e shumta për sjellje të mirë, është bërë hit në rrjetet sociale.