Shteti evropian, ku fëmijët do të mbajnë mbiemrat e të dy prindërve

Mbiemrat e të dy prindërve do të jenë pjesë e emrave të fëmijëve në Itali.

Ky vendim historik i Gjykatës Kushtetuese atje shënon fundin e traditës, ku në mënyrë automatike të posalindurve u vihej mbiemri i babait, transmeton Albinfo.ch.

Sipas verdiktit të Gjykatës, kjo praktikë ishte diskriminuese dhe e dëmshme për identitetin e fëmijës. “Fëmijëve duhet t’u jepen mbiemrat e të dy prindërve sipas radhës që ata vendosin, përveç nëse bien dakord që fëmijët e tyre të marrin vetëm njërin prej tyre”, shtoi gjykata në një deklaratë.

Ministrja e Familjes, Elena Bonetti, siç raporton The Guardian, tha se qeveria do të mbështesë plotësisht Parlamentin në këtë proces.

“Ne duhet t’i japim thelbin vendimit, dhe është një prioritet i lartë dhe detyrë urgjente e politikës për ta bërë këtë”, tha ajo, duke shtuar se prindërit duhet të marrin përgjegjësi të barabartë për rritjen e një fëmije. Krahasuar me vendet e tjera evropiane, ku të dy mbiemrat mund të përdoren për fëmijët, si Franca, Gjermania dhe Spanja.

Ligji i ri pritet të miratohet nga Parlamenti.

---