Shteti para kolapsit

Ai ka shtuar se me këtë rast janë shkelur të drejtat e njeriut, si dhe konventat evropiane

Shefi i grupit parlamentar të Vetëvendosjes, Glauk Konjufca ka thënë se me arrestimin dhe dëbimin e gjashtë shtetasve turq, është parë një kolaps i të gjitha segmenteve të shtetit.

“Kjo është e pa precedentë me ndodh në një shtet evropian, këtu kemi pa kolaps të krejt segmenteve shtetërore. Sepse të tri figurat dolën dhe thanë se nuk janë në dijeni”, është shprehur Konjufca, përcjell albinfo.ch.

Ai ka shtuar se me këtë rast janë shkelur të drejtat e njeriut, si dhe konventat evropiane.

“Çdo shtet evropian ku do të ndodhte diçka e tillë, më së paku është largimi i Qeverisë”, theksoi ai.

Deputeti i VV-së ka folur edhe për atë që i pret të arrestuarit me kthimin e tyre në Turqi, ku ata sipas Konjufcës do të persekutohen vetëm për shkak të bindjeve të tyre, dhe për asnjë arsye tjetër.

“Kryeministri del dhe thotë se s’ka ditur asgjë, kryeparlamentari e dënon aktin, kurse të gjithë duan që të amnistohen”, tha Konjufca, duke përmendur edhe zërat që po drejtojnë gishtin nga presidenti Hashim Thaçi.