Shtyhet mbledhja e përbashkët e qeverive mes Kosovës dhe Shqipërisë

Mbledhja e përbashkët e Qeverisë së Kosocës dhe asaj të Shqipërisë, e paraparë të mbahet këtë të premte, është shtyrë për datën 2 tetor. Mësohet se shkak i shtyrjes së mbledhjes është seanca e Kuvendit të Kosovës. Një gjë të tillë e ka konfirmuar kryeministri i Kosovës, Avdullah Hoti, në rrjetin social Facebook, raporton Albinfo.ch.

“Për shkak të seancës së Kuvendit të Kosovës, u dakorduam me Kryeministrin Rama që mbledhjen e përbashkët të dy qeverive tona, të paraparë për këtë të premte, ta mbajmë më 2 tetor. E falënderoj Kryeministrin Rama për mirëkuptimin dhe dy ekipet tona për përgatitjen e mbledhjes”, ka shkruar Hoti.