Si kurrë më parë, fondet në rritje për hulumtime shkencore në botë

Foto ilustrim

Shpenzimet për hulumtime kërkimore kanë arritur një rekord prej 782 miliardë dollarësh në mbarë botën. Në të kundërtën, fondet në Zvicër janë zvogëluar me 10 për qind.

Në tërësi, korporatat më të mëdha zvicerane kanë vënë në qarkullim 27.7 miliardë franga në kërkime, sipas një studimi nga kompania konsulente PWC,  në mesin e 1000 korporatave më të mëdha në botë, përcjell albinfo.ch.

Të dy gjigantët farmaceutikë, “Roche” dhe “Novartis” janë përgjegjës për rënien prej më shumë se 3 miliardë franga në krahasim me vitin e kaluar.

Ndërsa “Roche” shpenzon rreth 1 miliard dollarë më pak, “Novartis” ka ndarë 1.1 miliard dollarë, pra edhe më pak. Kështu, të dy kompanitë e Bazelit kanë humbur terrenin e hulumtimeve shkencore.

Me 10.8 miliardë dollarë amerikanë “Roche” ende renditet në pozitën numër 8, “Novartis” me 8.5 miliardë dollarë amerikanë renditet e 12-ta.

Megjithatë, dy gjigantët farmaceutikë kanë shpenzimet më të mëdha për kërkime në këtë vend. “Nestle” është kompania tjetër zvicerane që renditet e 94-ta në renditjen me 1.8 miliardë dollarë në investime. Edhe më tutje, ABB renditet në vendin e 115-të.