Si ndikon ndryshimi i orës në shëndetin e njeriut

(KEYSTONE/Gaetan Bally)

Pasi ndryshoi ora, me 60 minuta pas, njerëzit mund të flenë një orë më shumë.

Por, ky ndryshim mund të jetë problematik, sidomos për fëmijët, sipas mjekëve.

Ata mund të kërkojnë të qëndrojnë më vonë në darke, por ky zakon nuk është i rekomandueshëm.

Ajo që mjekët rekomandojnë është që njerëzit të kenë një orar konstant gjumi.

Nëse do të ndiheni të përgjumur gjatë ditës, këshillohet të flini vetëm 15-20 minuta gjatë pasdites. Krijimi i një rutine e mban trurin aktiv.

Për shembull, njerëzit duhet të kenë në rutinë zgjimin në të njëjtën orë, rregullimin e krevatit dhe ngrënien e vakteve.

Po ashtu mjekët rekomandojnë që të dilni në diell kur zgjoheni, për të shmangur efektet e ndryshimit të orës.