Sipas qytetarëve, këto tri gjëra e rrezikojnë Kosovën

Korrupsioni, papunësia e krimi i organizuar

Qytetarët e Kosovës mendojnë se korrupsioni është rreziku më i lartë i brendshëm për Kosovën.

Sipas një anketimi të ‘Qendrës Kosovare për Studime të Sigurisë’, 91.41 për qind e të anketuarve e kanë vendosur korrupsionin si rrezikon më të madh të brendshëm, transmeton Indeksonline.

Pastaj, 90.98 për qind e të anketuarve besojnë se rreziku i dytë më i madh për Kosovën është papunësia, kurse në vendin e tretë me 89.31 për qind renditet krimi i organizuar.

Gjatë vitit 2019, Policia e Kosovës ka hetuar 189 raste të korrupsionit, kurse në vitin 2018 vetëm 74 persona ishin arrestuar për korrupsion.

Papunësia në Kosovë vazhdon të jetë në nivel të lartë, diku afro 30 për qind. Kjo dukuri më së shumti është e theksuar te femrat.

---