Situata e fundit me pandeminë në Kosovë

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës ka informuar se gjatë 24 orëve të fundit, është shënuar 1 rast i vdekjes nga Covid-19 derisa janë regjistruar 12 raste të reja të infektimeve.

“Në 24 orët e fundit janë dhënë 768 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.664.711 doza të vaksinës. Deri më sot 780.228 qytetarë janë vaksinuar me dozën e dytë. Nga 2.430 testime, 12 qytetarë kanë rezultuar pozitiv me virusin COVID-19”, thuhet në raport.

Ndërkohë Policia e Kosovës ka njoftuar se gjatë 24 orëve në qytete të ndryshe të vendit, ka shqiptuar 364 tiketa në bazë të ligjit Covid- 19.

Policia gjithashtu ka shqiptuar edhe 1294 tiketa trafiku.

Ndërkohë, bën të ditur se kanë ndodhur 30 aksidente me të lënduar dhe 44 aksidente me dëme materiale.