Situata në kufij, fluks në Merdar dhe në Vërmicë

Foto nga arkivi

Ndryshe nga një ditë më parë, situata në të gjithë pikë kalimet kufitare të Kosovës paraqitet më e qetë, thuhet në raportin e Qendrës Kufitare, përcjell albinfo.ch.

Theksohet se pritjet më të gjata vazhdojnë të jenë në Merdar, ku në hyrje pritjet shkojnë deri në gjysmë ore dhe kolona e mjeteve është 120 metra. Ndërsa në dalje situata është më e rëndë, pasi pritjet janë deri në 1 orë e gjysmë, ndërsa kolona e mjeteve është deri në 300 metra.

Nga ana tjetër, në pikë kalimin kufitar më të madh me Shqipërinë, në Vërmicë, mëngjesin e së enjtes është vënë re fluks më i madh. Nëse në hyrje pritjet janë minimale, në dalje ato shkojnë deri në 30 minuta me kolonën e mjeteve deri në 200 metra.

Te Dheu i Bardhë në hyrje pritjet janë deri në 20 minuta, ndërsa në dalje deri në 50 minuta.

Në të gjitha pikë kalimet e tjera kufitare, si në hyrje, ashtu edhe në dalje, pritjet nuk shkojnë më shumë se dhjetë minuta.

Fluksi në disa nga pikat e kalimit kufitar:

Hyrje (min)      Dalje (min)

Merdare                  20-30             70-90

Jarinje                      05-10              05-10

Mutivodë                03-05              03-05

Dheu i Bardhë        15-20             40-50