S’ka perspektivë, të rinjtë marrin rrugën e migrimit

Për shkak të pamundësisë që të gjejnë punë në Kosovë, shumë të rinj kosovarë po përpiqen të sigurojnë kontrata pune në Gjermani. Ata mendojnë se në Gjermani do të kenë perspektivë për vete dhe fëmijët, raporton “Deutche Welle”.

“E kam parë që mund të gjej veten në Gjermani me këtë punë. Shkoj për të ardhura financiare”, thotë Visar Ramosaj, 33-vjeçar, me profesion elektricist, që ka fituar një kontratë trevjeçare në Gjermani, përcjell albinfo.ch.

Visari thekson se po shkon për të punuar dhe për të ardhmen e tij e familjes, megjithatë, nëse i ofrohet mundësia do të kërkojë leje qëndrimi.

Artan Muhaxheri, sociolog, shprehet se të rinjtë e Kosovës e shohin Gjermaninë si rrugë shpëtimi dhe për këtë arsye dëshirojnë të punojnë dhe jetojnë atje.