Sllovenia do t’u japë fund kontrolleve kufitare me Austrinë

Keystone

Ministrja e re e Jashtme e Sllovenisë, Tanja Fajon, i ka bërë thirrje Austrisë që të rishqyrtojë kontrollet e saj kufitare me Slloveninë në një takim me ministrin e Jashtëm të Austrisë, Alexander Schallenberg, njofton albinfo.at.

Fajon tha se nuk kishte arsye për të vazhduar kontrollet, megjithatë, Schallenberg tha se ato ishin ende të nevojshme për të ndaluar trafikimin e qenieve njerëzore. Schallenberg tha se kishte pasur një rritje prej mbi 120 për qind në kalimet e paligjshme të kufirit nga Sllovenia në Austri në muajt e fundit.

Ministri i Jashtëm slloven i tha Schallenberg se qeveria e re sllovene kishte iniciuar çmontimin e paralajmëruar të gardhit kufitar në kufirin e jashtëm Shengen me Kroacinë, transmeton transmetuesi ORF.