Sot varroset i riu që u ekzekutua dje në Prishtinë

Policia e Kosovës ka intervistuar disa persona lidhur me vrasjen e Aulon Zekës sot në Prishtinë, ndërsa mediat raportojnë se ndaj një person është lëshuar urdhër-arrest. Sipas familjarëve, Auloni varroset sot në ra 17:00 në varrezat e qytetit të Prishtinës

Pas përfundimit të obduksionit, sot në ra 17:00 në varrezat e qytetit të Prishtinës, në Arbëri do të varroset i riut Aulon Zeka, që u gjet i vrarë dje në kryeqytet. 16 vjeçari është gjetur të shtunën pa shenja jetë në rrugën “Gjon Sereqi” në Prishtinë, ndërsa sipas hetimeve preliminare, ai është ekzekutuar me katër plumba.

Akoma nuk dihen motivet e kësaj vrasjeje dhe ende nuk ka njoftim se është arrestuar dikush në lidhje me këtë krim.

Policia e Kosovës ka intervistuar disa persona lidhur me vrasjen e Aulon Zekës sot në Prishtinë, ndërsa mediat raportojnë se ndaj një personi është lëshuar urdhër-arrest.

Ndryshe, dje rreth orës 11:00, Policia ka gjetur trupin e pajetë të një 16 vjeçari në rrugën “Gjon Sereqi” në Prishtinë. Më vonë u konfirmua se ai është Aulon Zeka, i vrarë me armë zjarri, ndërsa policia e ka konsideruar si vrasje të rëndë.

Zëdhënësi i Policisë për rajonin e Prishtinës, Agron Borovci ka thënë se njësitet policore janë duke ndërmarrë veprimet e nevojshme hetimore. “Aktualisht njësitet policore janë duke ndërmarrë të gjitha veprimet e nevojshme hetimore për sqarimin e të gjitha rrethanave që kanë të bëjnë me këtë ngjarje, si dhe me identifikimin dhe arrestimin e personave të dyshuar”, ka thënë Borovci.

Kjo vrasje ka tronditur qytetarët e Kosovës, sidomos për faktin se viktima ishte fëmijë. Ndërsa mediat në Prishtinë raportuan se ai me herët kishte probleme shëndetësore, kurse familja u detyrua të kërkoj ndihmë nga qytetarët për shërimin e tij, në kohën kur ai ishte 12 vjeç.