Spanjë: Kërkohen më shumë mjekë e policë, pas rritjes së rasteve me COVID-19

Foto ilustrim: Luis Melendez

Në Madrid u kërkua të mërkurën ndihmë urgjente për të punësuar qindra mjekë të huaj dhe për të përforcuar policinë, pasi ata regjistruan 1,290 infeksione të reja me koronavirus dhe konsideruan shtrirjen e një bllokimi të pjesshëm në më shumë zona.

Rajoni i kryeqytetit është goditur më rëndë nga një valë e dytë e COVID-19, me numrin e vdekjeve dhe infeksioneve ditore në nivele që nuk janë parë që nga maji.

Të hënën autoritetet e Madridit i kërkuan qeverisë qendrore ndihmë nga ushtria për të luftuar valën e koronavirusit në dhe rreth kryeqytetit spanjoll, ku mbyllja e pjesshme e disa zonave më të varfra ka provokuar protesta, shkruan “Reuters”, përcjell albinfo.ch.