Sqarim: A mund të vijnë vizitorët amerikanë në Zvicër?

Keystone

Meqenëse Këshilli Federal i ka vendosur Shtetet e Bashkuara në listën e rrezikut të lartë, shumë njerëz janë të pasigurt se çfarë do të thotë kjo.

Udhëtarët nga SH.B.A. nuk mund të hyjnë tani në Zvicër. Por kjo nuk do të thotë që qytetarët amerikanë nuk lejohen të vijnë këtu.

Në fakt, ekziston një ndryshim midis shtetasve amerikanë që jetojnë në Shtetet e Bashkuara dhe atyre që banojnë në vende të tjera.

Kufizimi vlen për amerikanët që jetojnë në SHBA dhe do të udhëtonin nga atje, pasi niveli i infektimit me Covid-19 tejkalon 3 milion – është më i larti në botë.

Sidoqoftë, qytetarët amerikanë që jetojnë në vendet që konsiderohen si ‘të sigurta’ nga qeveria zvicerane, përfshirë pjesën më të madhe të BE-së, si dhe Norvegjinë dhe Islandën, mund të udhëtojnë në Zvicër.

Me fjalë të tjera, kufizimi i udhëtimit bazohet në vendbanimin, dhe jo në pasaportën dhe kombësinë.

Sipas Sekretariatit Shtetëror për Migracionin (SEM), “Në situata të domosdoshme absolute, hyrja në Zvicër mbetet e mundur përkundër ndalimit të hyrjes”.

Raste të tilla përfshijnë vdekjen ose një sëmundje serioze të një anëtari të familjes së ngushtë.

Në këto rrethana emergjente, amerikanët duhet të kontaktojnë ambasadën zvicerane në Shtetet e Bashkuara ose SEM përpara se të bëjnë planet e udhëtimit, shkruan thelocal.ch, përcjell albinfo.ch