Stano për rihapjen e Urës së Ibrit: Çdo veprim të ndërmerret në kuadër të dialogut

Zëdhënësi i Bashkimit Evropian, Peter Stano, ka thënë se rihapja e Urës së Ibrit është çështje dialogu, dhe “çdo vendim për hapjen duhet të bëhet në kuadër të dialogut”.

Duke folur për mundësinë e hapjes së Urës së Ibrit, ai ka thënë se çdo vendim që merret nga secila palë në dialog duhet të bëhet në suaza të linjave të këtij procesi, përcjell albinfo.ch.

“Ne kurrë nuk spekulojmë për skenaret ‘nëse’. Qëndrimi ynë i përgjithshëm është se marrëveshjet e arritura në kuadër të dialogut duhet të zbatohen, ky është një detyrim i kahershëm për të dyja palët. Dhe, çfarëdo hapash dhe veprimesh që do të ndërmerren, që kanë ndikim në njërën anë dhe në tjetrën, duhet të zgjidhen, diskutohen dhe çohen përpara në kuadër të dialogut, dialogut të lehtësuar nga BE-ja”, ka thënë ai.