“Starbucks” punëson 10 mijë refugjatë

Të dielën vonë Howard Schultz, CEO i kafeneve zinxhir "Starbucks", me "shqetësim të thellë u është drejtuar në faqen e korporatës punonjësve.

Ai e quajti dekretin e presidentit Donald Trump për të ndaluar qytetarët e 7 vendeve myslimane për të hyrë në SHBA “konfuz” dhe njoftoi planet e kompanisë për sigurimin e vendeve të punës në organizatë për 10 mijë refugjatë gjatë 5 vjetëve të ardhshme, raporton “AP”, përcjell albinfo.ch.

Ky është një reagim ndaj vendimit të Trumpit për ndalimin e hyrjes për qytetarët e Sirisë dhe gjashtë vendeve të tjera kryesisht myslimane. Schultz shkroi një letër për të punësuarit. Nisma do të fillojë në Shtetet e Bashkuara dhe do të mbulojë kryesisht emigrantët që më parë ishin përkthyes ose stafin mbështetës për trupat amerikane. Më vonë “Starbucks” në të gjitha 75 vendet ku ka degët e saj do të punësojë refugjatë, tha në një deklaratë shefi i “Starbucks”.

Schulz, i cili ishte një ithtar i zgjedhjes së kandidates demokrate, Hillari Klinton, kritikoi letrën dhe aspekte të tjera të programit të Trumpit.

Në letër thuhet se “Starbucks” për të mbështetur kultivuesit e kafesë në Meksikë do të aplikojë sigurim shëndetësor për punëtorët të cilët kualifikohen, në qoftë se anulohet ligji për sigurim shëndetësor dhe do të mbështesë programin e imigracionit të administratës Obama.
“Ndërto ura, jo mure”, shkroi Schultz. Sipas tij, “Starbucks” do të vazhdojë të investojë në Meksikë, ku ka mbi 600 bare dhe rreth 7.000 të punësuar.